ဖြစ်သမျှအကြောင်း

အချစ်နဲ့ဘဝ
ရည်ရွယ်ချက်နဲ့ သံယောဇဉ်
ပဋိပက္ခ ကြုံလာပြီဆိုရင်..
ရွေးချယ်မှုဆိုတာ
ဘဝရဲ့လက္ခဏာတစ်ရပ်ပါ...
ဖြစ်ချင်တာထဲကို
ဖြစ်သင့်တာတွေလောင်းထည့်
တတ်နိုင်သမျှ သမအောင်မွှေရင်း
ဘဝဟာ...မသောက်ရသေးတဲ့
ကော်ဖီတစ်ခွက်ဖြစ်ခဲ့တယ်...

နောင်တ

အဆုံးသတ်မှာ
ဆုံးရှုံးရမှာသေချာနေပြီဆို
ဘာလို့များ
အစကပြန်စနေဦးမလဲ...
ဘဝကဆုံးရှုံးခြင်းကိုဘဲ
လက်ဆောင်အဖြစ်အမြဲတမ်းပေးတယ်.
တကယ်ပါ.
ငါလေမင်းကို ဒီလောက်အထိ
မချစ်ခဲ့မိရင်
ဘယ်လောက်ကောင်းလိုက်မလဲ...
အခုတော့ မင်းအတွက်နဲ့
ငါ့ညနေတွေ
အကျည်းတန်နေခဲတာများ....
အဝါရောင်ပန်းတစ်ပွင့်
အတိုင်းဘဲ...

တစ်ယောက်သောသူအတွက်..ဒီကဗျာကိုသူဖတ်ရင်သိမှာပါ...

မိုးနံနက်ခင်း

ဝေးစေဖို့နင်တွေးလဲ
နွေးစေဖို့ငါရေးခဲ့တယ်
ဒီလိုမိုးမစဲတဲ့မနက်တွေဆို....
ရေစက်လက်နဲ့သစ်ရွက်တွေ
အပြိုင်းအရိုင်းငို
ဖော်ဝေးသူတိုင်းအဆွေးပိုသတဲ့။
ဒီအခန်းရဲ့တစ်ဖက်မကလို့
ကမ္ဘာတစ်ဖက်ကိုပဲ ထွက်ထွက်
ရင်ထဲမှာမွန်းကျပ်တုန်းပဲ။
အရင်ထက်ငါလွမ်းတက်တုန်းပဲ။
ဒီလိုနဲ့နင်မပါတဲ့ငါ့ရဲ့ကမ္ဘာ
လေးဘက်လေးတန်
အလိုလိုပိတ်လှောင်မိခဲ့တယ်။

အလွမ်းည

ညတွေကို ခရေလိုသီရရင်
ဒီညတွေ မမွှေးမှာတော့သေချာတယ။်
မင်းမရှိလို့လေ....
ရင်ဘက်ထဲကအရိုင်းပန်း
မင်းနမ်းတက်ရင် တသက်စာ ထာဝရ
ရှင်သန်လို့လန်းမှာပါ..
အခုတော့
လေပြေတွေရယ်
သူ့ရနံ့မပါရင် မတိုက်ပါနဲ့လား
ငါတစ်ယောက်တည်း
အားငယ်လို့ပါ။

ထုံးတမ်းစဉ်လာ

မနေ့ကတွေ့ကြတုန်းက
ဒီမျက်နှာတွေ
သူတို့မဟုတ်ကြသလိုပဲ
ဖြူသလိုလိုအပြုံးတွေတွေ့တော့လေ
အမေ့ကိုသတိရလိုက်တာ
အမေပြုံးသလိုဘာလို့
မပြုံးကြပါလိမ့်
စကားဆက်မိလို့
မေးကြည့်တော့ ဒီလိုပါပဲတဲ့
တော်တော်ရယ်ရတဲ့လူတွေ
အမေးတခြားအဖြေတခြားနဲ့
တွေးမိရင်အိပ်လို့ကိုမရတော့ဘူး
ဒါနဲ့ ကိုယ်ကိုကိုယ်အားတင်းရတယ်
ခဏနေပြီးသွားမှာပါပေါ့
ဒီလိုနဲ့နေလာလိုက်တာ
အခုမှပဲ .......
တစ်ယောက်တစ်လမ်းလျှောက်ကြရအောင်ပြောရင်း
ဘာရယ်မဟုတ်
လမ်းဆုံရောက်တိုင်း
လမ်းမှားတတ်လာတယ်။

ချစ်သူသို့(၅)

တကယ်တော့.....
သံယောဇဉ်ဆိုတာ မထားခဲ့၇င်
နင်နဲ့ငါ့ကြား
ဘာလိုလားချက်မှရှိမှာမဟုတ်ဘူး.. ..။
နင်လဲနင့်ဘ၀မှာနင်ပျော်
ငါလဲ ငါ့ဘ၀ကို ငါလှော်လို့
ကိုယ်ထင်ရာကိုယ်စိုင်း
ကိုယ့်ယုံကြည်မှု အတိုင်းပဲပေါ့.....။
ခုတော့ဟာ.....
ငါတို့နှစ်ဦးရဲ့အကြား
သောကတွေပွားစေဖို့
ချစ်သူဆိုတဲ့ကြိုးတစ်ချောင်းက
နင်နဲ့ငါ့ကို ပေါင်းစည်းပေးထားခဲ့လေတော့
နင်လဲငါကျေနပ်စေဖို့ပြင်ရ
ငါလဲနင်သံသယမဖြစ်စေဖို့ဆင် ခြင်
အရာရာဟာ အရင်လိုတော့
လွတ်လပ်စွာရှင်သန်ခွင့် မရှိနိုင်တော့ဘူးပေါ့..... ။
ဒါပေမယ့်....
ဒီရှင်သန်ရခြင်းမှာ
ငါပျော်တယ်ဆိုတာတော့ ၀န်ခံပါရစေ.....။

ဘောင်မ၀င်တဲ့ဘ၀

ဖြစ်ခဲ့ပြီးတာတွေလည်း
ဖြစ်ခဲ့ကြပြီးပြီ
အခုမှနောင်တရလို့ကောင်းနေတုန်း
ပင်လယ်ထဲသွန်ချခဲ့တဲ့အဆိပ်တွေကို
ပြန်ဖောက်ထုတ်လို့မရတော့သလို
ညစ်ပတ်စွန်းထင်းသွားတဲ့ ယုံကြည်မှုတွေလည်း
ပြန်ကောက်သုတ်လို့မရတော့ပါဘူး
ဒါပေမယ့်ပေါ့
အရာရာဟာပြောင်းလဲနေသလို
အဲဒီယုံကြည်မှုတွေကလည်း ပြောင်းလဲနေဦးမှာပါပဲ
ကျယ်လောင်လွန်းတဲ့
ဒါဏ်ရာထဲကသွေးစီးသံလို
စီးနေတဲ့ပင်လယ်ရဲ့အသံကိုနားထောင်ရင်း
လရဲ့အောက်ဘက်မိုင်အဝေးမှာ
ငါ ....တုန်လှုပ်နေရတယ်။
ဘယ်လောက်ပဲကြာကြာ
ဒါဏ်ရာကကျက်မသွားပါဘူး
အခုအချိန်ကစလို့
ဒါဏ်ရာတွေကိုဘယ်တော့မှလည်းမေ့နိုင်မှာလည်းမဟုတ်ဘူး
နာကျင်မှုတွေကိုမှတ်မိသတိရစရာ
သီးသန့်ဘာသာစကားတစ်ခု..
ဖန်တီးမိခဲ့ပြီးပြီ။။